差不多又年半！好攪笑。
有時候可以睇番自己以前寫既野又的確幾好，因為記載著自己的回憶同埋生活嘛！
現在我的願望是努力賺錢，快些可以做到自給自足，隨時生老病死都唔會令其他人感到麻煩~~~就係我現在的目標了。同埋如果有錢剩就去多d旅行，因為我真係好鍾意旅遊呀~~~經過左咁耐，原來我都幾鍾意大自然，我好喜歡海，喜歡樹、山、雪....雖然昆蟲是不喜歡啦，不過可以當睇唔到。

最近迷上了玩nds，只要兩天就要差一次電，差一次電可以玩3.5個鐘，有時候都覺得自己好浪費時間，過左呢個瘋狂既時期之後希望可以盡量keep住上車搭車等人等車先玩啦！現在我幾乎一起床就開機，仲勤力過返工呀！
迷上了"動物之森"，我知我知，係好out既一隻game，不過都好好玩！有時outout地都幾好架！因為上網可以睇攻略嘛！

其實除了懶惰之外，我都仲有其他原因既…就係因為某個可能會看到這blog的人，我不開心不想給他知道，我開心又唔想同佢分享…所以唯有沒有再update，不過blog是我人生既一部份，如果因為有傷心的事就closed左佢，咁除了浪費時間之外，仲浪費左我打左咁耐既字，所以不update唔代表抹煞一切。

不過我都係想同佢講多一句，沒有你的日子，我過得很好！

佢都冇咩改變，其實我都冇。

見到佢，好似見鬼咁囉…你都咪話唔驚…

昨天我和幾個兄弟，同偉良先生預先慶祝生日呢…

返到公司見到奇奇、同埋一些新同事。

之後我們去食韓燒+打邊爐，其實食就唔係食左好多野，不過食左好多油呀！

見George非常用心咁落左好多油去炸條多春魚……又覺得唔食唔得！！！

最近頭很痛，不知道是否又開始想病？

希望良生心情靚D啦…因為生日要歡歡喜喜架嘛！

每當一件事情沒有攪清楚既時候，我都會很容易發呆。

時間過得很快也很慢…每天好像很無聊的過著。

令我唔開心，佢都覺得唔係咩問題，可能佢以為我天生係唔開心既，唔開心都慣左，令我唔開心唔再係一個大問題。

可能佢以為佢做唔做錯野，我都一樣會唔開心？所以佢就唔理我開唔開心，做左先算？

佢仲係認為係我既問題，係我唔比佢識其他女仔，都已經比佢同其他女仔行街睇戲食飯同煮飯仔…都未夠既，我仲係管得佢太嚴…

聽到佢道歉，我其實都唔知道俾咩反應好…因為我相信佢一定會再傷我心，我只覺得好無奈……

早幾天我沒有聽他的電話，他有寫e-mail給我呢…前天開始聽番電話， e-mail就立即沒有再寄來了。

就是這樣嗎？惡性循環嗎？

好想同佢講流星花園入面，成日講既一句說話︰如果道歉有用，呢個世界要警察來做什麼。

不過佢唔會明白，因為佢都冇睇過流星花園...

其實拍拖幸福的感覺是怎麼樣了？已經記不起那種…"有你在我身邊多好"的感覺。

天色這麼灰，和我的心情一樣呢……

聽說世上有種情侶會不斷吵架，有些情侶就從未試過吵架，有些就間中會吵架。

世界上各類情侶也有，但為什麼我要是不斷吵架的那種？在我遷就他的同時，又有誰可以遷就我？

聽說有時候吵架的，會增進感情。

但我覺得，傷口會一天比一天擴大。

你總是喜歡在我心情好一點的時候，踏我一兩腳，令我好不容易癒合的心，再變成碎片一樣。

未一起之前，是你說過要把我放在第一位，凡事以我的喜樂為先，什麼事情也讓我決定，要讓我覺得自己是女王一樣。

還記得你對我說過，其他的男孩子追妳的時候才會對妳好，而你就不一樣，你會一直對我好直到我們變成老公公同老婆婆。是誰在第二個月起，已經覺得寫信給我是難為了你？是誰覺得我蠻不講理？迫你做你不喜歡的事？連寫e-mail給我也覺得煩…打電話比我就覺得我應該已經足夠？

是誰在早兩個月對我說︰"妳明知道我討厭寫信嘛！妳明知…"那麼你明知我討厭的事，你又去做？

為何你總是在發問一些我不能解釋的問題︰"妳有幾鍾意我？"這個問題的答案會引來一個令人心酸的答案，你對我說︰"妳有幾鍾意我，我就有幾鍾意妳。"愛可以這樣交換的嗎？這是算術科吧？我的算術科讀得不好。

我想說︰你和其他男仔沒有什麼分別，分別是在於你能夠傷我心而你選擇去傷我，而其他人不會。

我唔受得而發脾氣，你就話我愛發脾氣。你話其他女仔好大方(特別係你識個d女仔)，你係我男朋友，人地大方人地既事，我大唔大方，你明知道，你仲要去激我。你說我可以同其他男仔跳舞，ok呀！你說了，我聽到，你大方嘛。你說你唔介意我同男仔去跳舞，但你明知我介意，你仲要去做。又話唔記得同我講係同女仔去跳，你是係有心唔講，你明知道如果有個女仔陪你，我就唔會比你去，你就唔同我講，你現在仲敢講你是意外、唔記得講俾我聽係去同女仔跳舞。老實講，你去跳舞，我真係唔反對，因為跳舞可以減肥、又可以健康些，不過原來你去跳舞係個女仔叫你，你就去，令我非常之唔高興。在我們之前拍拖，你明知道我是喜歡跳舞，仲成日話帶我去跳舞，但你次次都係講左就算，從未有帶過我去…一次半次都冇，但你只是在那邊7個月吧？7 個月…你真係咁悶？你成日話返工咁倦，成日同我傾兩句電話就話︰"唉…今天天氣晒得好緊要，很倦…唔傾了。"咁你又可以有心有力去同人地跳舞，玩就有力，傾電話就冇氣？

見到你咁開心，我其實都會祝福你，你成日都話悶，又話倦，現在跳舞，又唔見你話倦…幾好呀…老實講，你成日話我唔信你，現在唔係我一個人覺得你有古怪，你呀爸、呀媽，都覺得。Henry係你個friend都覺得，Daisy都覺…你這樣做，除了令人誤會、誤解之外，就係你為左一己既快樂而將痛苦建築在我身上。你樣樣野都明知道做左我就會唔開心，你係都要做…又叫我唔好用"xx"兩個字來嚇你，令你唔開心…有時候我都會想，你根本想我唔開心，我點解要對你好？你對我咁，明知道我會唔開心既事，做多幾次添，想睇下我幾時被你激死。

男人真係信唔過，你明知道我信唔過男人，之前那個姓鄧既都已經令我不再相信男人，你仲要做咁多野令我誤會你。你這麼喜歡和女仔在一起，為什麼不拍散拖就算？或者乾脆單身不拍拖，為什麼要我忍耐你一次又一次又一次又一次，雖然你說你和她是沒有愛情，但是我不是你，我點知道你們有沒有愛情？之後受過傷害的我已經很脆弱，你不是說過凡事都以我為先？以我開唔開心為主？現在你卻做這些事情，究竟是我小氣，還是你過份？

不過呢一個月中， 我每天也盡我所能、很勤力地咁做晒要做的東西<----(公司d野)

現在終於開始適應，有時候還可以有少少"吉"既時間…至少可以讓我看看網上新聞吧？

轉左工，最大既唔方便就係文書處理多左好多…其實必須要惡補英文、中文架…

不過呢，又成日好像冇咩時間咁，又放埋一面…要用既時候又覺得自己好水皮…又後悔冇俾心機去惡補下。

減肥又係…明知道減肥必須持之以行，才能有成績既…但一天拖一天…成日一日推一日…連sit-up都懶得做…我看我全身的骨頭也僵硬化了…

每天心情開始很不好。

由那個電話開始。

好討厭討厭人既感覺，但世界上就係有人連血性都冇，呢d人，上主還要我愛他嗎？

近日來都失眠…為什麼睡得這麼差？

明天的工作等著我…我為什麼不早些睡呢？

心情真的很差。

其實我不想這樣…

我希望快快樂樂的去到終點站…但人生又不是我想像中那麼如意。

心情很差呢…

有成個月冇寫呢個blog。

時間過得快…又過得慢…

有工作做時…時間過得特別快。

等出糧時又覺得日子過得太慢。

又開始考慮同媽媽爸爸去馬來西亞旅行…

不過姐姐說下年才是馬來西亞旅遊節呢…咁幾時去好呀？

Kenny講過話組團去泰國，已經告吹。

再講約埋一班人去廣州，又係講下…

男人呢…果然是大話之王。>_<不過我又唔會好嬲既，因為去玩都係希望開心者。

想去玩都唔得閒…

個腦…同個身都唔係好掂…(因為成日病病下…)

要快些變健康寶寶先得！